Президенти Озарбойҷон Илҳом Алиев ҳайати парлумонии Тоҷикистонро таҳти сарварии раиси палатаи поёнии парлумони ҷумҳурӣ Шукурҷон Зуҳуров ба ҳузур пазируфт.
Шукурҷон Зуҳуров зимни мулоқот изҳор намуд, ки вакилони парлумони Тоҷикистон ба рушди ҳамкории бузургмиқёс бо Озарбойҷон таваҷҷуҳи хосса зоҳир мекунанд.
Дар ҷараёни вохӯрӣ Шукурҷон Зуҳуров паёми самимии сарвари давлати Тоҷикистон Эмомалӣ Раҳмонро ба президенти Озарбойҷон ва ҳамчунин табрикоти ӯро дар робита ба муваффақона баргузор шудани раъйпурсӣ дар ин кишвар ба Илҳом Алиев расонд.
Дар навбати худ Илҳом Алиев аз сарвари давлати Тоҷикистон даъват кард, ки дар ҳама гуна вақти барояш мувофиқ ба Озарбойҷон ташриф орад. Дар ин бора котиби матбуоти палатаи поёнии парлумони Тоҷикистон Муҳаммадато Султонов хабар дод.
