Сафорати Тоҷикистон дар Русия дар ҳамкорӣ бо Вазорати фарҳанги Русия ва ширкати “Росконқерт “ дар Хонаи марказии адибони шаҳри Маскав бо шукӯҳу шаҳомати хос Шоми фарҳанги Тоҷикистонро баргузор намуд.
Бино ба иттилои хадамоти матбуоти сафорат, дар ин чорабинӣ намояндагони вазорату идораҳо, зиёиён, васоити ахбори омма ва чеҳраҳои шинохтаи Россия, устодон ва донишҷӯёни мактабҳои олии шаҳри Москва, ки ба омӯзиши забони тоҷикӣ машғуланд, ҳамчунин тоҷикони муқими шаҳри Москва ҳузур доштаанд.
ИЗОБРАЖЕНИЕ
Чорабинии пуршукӯҳро сафири Тоҷикистон дар Русия Имомуддин Сатторов ва муовини вазири фарҳанги Русия Сергей Обривалин ҳусни ифтитоҳ бахшида, сафир зикр намуд, ки муносибатҳои фаҳангии Тоҷикистону Русия аз умқи таърих пайваста густариш меёбанд ва чорабинии мазкур аз рағбати ҳарду кишвар барои тақвияти муносибатҳои дӯстӣ, шарокати стратегӣ ва сатҳи баланди боварӣ дар соҳаҳои мухталифи ҳамкории Тоҷикистону Русия шаҳодат медиҳад.
ИЗОБРАЖЕНИЕ
Обривалин Сергей пайғом ва табрикоти самимии вазири фарҳанги Русияро ба самъи ҳозирин расонида, аз сатҳи баланди ҳамкории фарҳангии Тоҷикистону Россия изҳори қаноъатмандӣ намуд.
ИЗОБРАЖЕНИЕ
Гуфта мешавад, ҳунари волои санъаткорон ба мисли Далер Назаров, Ноҳид Зайналпур, гурӯҳи Шамс, Бобоҷон Амонулло ва дигарон ҳозиринро ба давраҳои заррини рушди илму фарҳанги ғании мардуми куҳанбунёди тоҷик баргардонида, бо савту навои дилнишини аҷдодӣ хотири ҳамагонро болида гардонид.
ИЗОБРАЖЕНИЕ
Зикр мегардад, ки инчунин намоиши мусаввараҳои рассомони шинохтаи тоҷик ва қироати шеърҳои шоирони классикӣ ва муосири кишварамон бо забоҳои тоҷикӣ ва русӣ ҳусну таровати хосае ба ин шом бахшиданд.
