Имрӯз дар Китобхонаи миллии Тоҷикистон вохӯрии анъанавии президенти Тоҷикистон Эмомалӣ Раҳмон бо аҳли зиёиёни ҷумҳурӣ доир мегардад.
Қобили зикр аст, ки мулоқоти сарвари давлат бо зиёиёни кишвар ҳамасола маъмулан дар остонаи ҷашни Наврӯз баргузор мешавад.
Ҳадаф аз ин вохӯрӣ баррасии масоили муҳими мавриди таваҷҷуҳи ҷомеа ва пешниҳодҳои нав оид ба беҳбуди вазъ дар бахшҳои илму маориф ва адабиёту фарҳанг унвон мешавад.
Аммо таҷриба гувоҳ аст ва ВАО ҳам чандин маротиба дар ин бора навиштанд, ки дар вохӯрӣ бо президент аз ҷониби зиёиён пешниҳодҳои созанда қариб ба мушоҳида намерасанд.
Пас аз суханронии президент муколама бо ҳозирин оғоз гардида, дар аксари вақт нафарони ба президент муроҷиаткарда ба таърифу тавсифи ӯ мепардозанд, ҳарчанд худи президент борҳо дархост карда буд, ки ба ин амалҳо хотима бахшида шавад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
