Аз 5 май муштариёни ширкати “МегаФон Тоҷикистон”, ки ба давлати ҳамсоя сафар мекунанд, имкон пайдо мекунанд, ки бо шартҳои муфид хизматрасониҳои алоқаро истифода намоянд.
Бо хизматрасонии “Ҳамсояҳои роумингӣ” занги содиротӣ ба хона ё дар ҳудуди Ӯзбекистон 2,5 сомониро барои як дақиқа ташкил дода, арзиши даъвати воридотӣ ба 1,2 сомонӣ баробар аст. SMS-паёмак – 0,3 сом., 1 Мб трафики интернет – 0,5 сомонӣ.
Барои истифодаи хизматрасонӣ дар Ӯзбекистон бояд тафтиш кард, ки оё “Роуминги қулай” дар рақами муштарӣ фаъол аст ё не. Барои ин дар телефон рақамчинӣ кардани дархости *992# кифоя аст. Агар хизматрасонӣ ба таври нобаён бинобар ягон сабабе фаъол нашуда бошад, онро метавон тавассути дархости кӯтоҳи *992*1# ва пахши тугмаи даъват фаъол намуд.
Агар “Роуминги қулай” фаъол бошад, зарур аст, ки “Ҳамсояҳои роумингӣ” барои Ӯзбекистон бо дархости *390*1# пайваст карда шавад. Пас аз ин ҳангоми қарор доштан дар кишвар-дӯсти Ӯзбекистон ба муштариёни “МегаФон” нархҳои муфид барои алоқа дастрас мешаванд. Муҳим: пас аз бозгашт ба хона хизматрасонии “Ҳамсояҳои роумингӣ” бояд бо рақамчинии *390*2# қатъ карда шавад.
“Бо пешбинии пешниҳоди муфид барои муштариёне, ки ба Ӯзбекистон сафар мекунанд, мо диққати махсусро на танҳо ба пасткунии нархҳо дар роуминг равона кардем, балки ҷиҳатҳои қулайи идоракунии хизматрасониро низ ҳаматарафа ба назар гирифтем. Ҳамаи амалҳои марбутаро метавон мустақилона бе муроҷиат ба идораҳои хизматрасонӣ ё истифода аз сомонаи “МегаФон Тоҷикистон” анҷом дод. Якчанд USSD-дархостҳои оддӣ аз телефон – ва “Ҳамсояҳои роумингӣ” аллакай дар амал аст”, – изҳор дошт Ҷамшед БОБОАЛИЕВ, Директори тиҷоратии ширкати “МегаФон Тоҷикистон”.
