Семоҳаи аввали соли ҷорӣ дар Фурудгоҳи байнулмилалии Душанбе 70 ҳодисаи ба таъхир гузошташавии парвозҳо ба қайд гирифта шудааст.
Сабаби асосии ин дер омадани ҳавопаймо аз фурудгоҳи макони парвоз – 43 ҳолат аст, иттилоъ медиҳад хадамоти матбуоти Фурудгоҳи байнулмилалии Душанбе.
Ғайр аз ин, сабаби таъхири парвоз ба дахолати ширкатҳои ҳавопаймоӣ (иваз кардани ҳавопаймо ва экипаж, бақайдгирии иловагӣ ва супориши намоянда, тағйирёбии парвозҳо ва ғайра) ба амал омадааст.
Гуфта мешавад, дар ин давра фурудгоҳ ба 334,2 ҳазор нафар мусофирон хизматрасонӣ кардааст. Миқдори умумии бор ва почтаи аз ҷониби терминали боркашонии фурудгоҳи Душанбе қабулгардида ва интиқолдодашуда дар семоҳаи аввали соли ҷорӣ 449 тоннаро ташкил додааст.
Айни замон аз Фурудгоҳи байнулмилалии Душанбе 12 ширкатҳои ҳавопаймоӣ парвозҳо анҷом медиҳанд, ки 4-тои онҳо ширкатҳи давлатҳои хориҷи дур (Туркия, АМА, Чин, Эрон), 7 ширкати кишварҳои ИДМ ва ширкати миллӣ – “Сомон Эйр” мебошанд.
Аз фурудгоҳи пойтахти Тоҷикистон ба 13 шаҳрҳои ҷаҳон (Россия, Қазоқистон, Ӯзбекистон, Қирғизистон, Олмон, Чин, Афғонистон, Эрон, Туркия, Ҳиндустон, Амороти Муттаҳидаи Араб) парвозҳо анҷом дода мешаванд.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
