Суди ноҳияи Спитамени вилояти Суғд сокини маҳаллиро барои иштирок дар амалиёти ҳарбӣ зидди давлатҳои хориҷӣ ба 15 соли зиндон маҳкум кард.
Бино ба маълумоти маркази матбуоти Прокуратураи генералии ҶТ, сокини ноҳияи Спитамен Шуҳратҷон Сатимови 31-сола ҳангоми соли 2013 дар муҳоҷирати корӣ дар Русия қарор доштан аз ҷониби аъзои созмони террористии ба ном “Давлати исломӣ” (ДОИШ) ба сафҳои он ҷалб мешавад.
Ӯ соли 2015 ба ДОИШ пайваста, бар зидди нерӯҳои ҳукумати Ироқу Сурия ҷангидааст.
“Мақомоти прокуратураи Тоҷикистон он замон аз рӯйи далели узвият дар сафи созмонҳои террористӣ нисбат ба Сатимов парвандаи ҷиноятӣ оғоз карда, ӯ дар ҷустуҷӯйи байнулмилалӣ эълон шуд”, – хабар медиҳад маркази матбуот.
Пас аз торумори нерӯҳои ДОИШ дар қаламрави Сурия ва Ироқ Шуҳратҷон Сатимов ба Ватан баргашта, дастгир шудааст.
Суди ноҳияи Спитамен Сатимовро барои узвият дар сафи созмонҳои террористӣ ва иштирокаш дар амалиёти ҷангии онҳо бар зидди сохти конститутсионии кишварҳои хориҷӣ ба 15 соли зиндони низомаш сахт маҳкум кард.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
