Дар маркази маъмурии вилояти Суғд бо мақсади шарҳу тавзеҳи хатарҳои коронавирус байни аҳолӣ ва меҳмонони шаҳри Хуҷанд гуруҳҳои тарғиботӣ таъсис дода шуда, ба маконҳои серодами шаҳри Хуҷанд сафарбар гардиданд.
Бино ба иттилои дафтари матбуоти раиси шаҳри Хуҷанд, Фирӯза Нуруллозода, муовини раиси шаҳр, полковник Олимҷон Бурҳониён, сардори ШВКД, Наим Маликисломӣ раиси ККИ ҲХДТ дар шаҳри Хуҷанд ҳадаф аз ташкили чунин корҳои фаҳмондадиҳиро қабл аз ҳама баҳри пешгирии аз паҳншавии бемории коронавирус «Covid-19» маънидод намуданд.
ИЗОБРАЖЕНИЕ
Аз ҷумла таъкид шуд, ки кам шудани шумораи беморон маънии анҷоми мубориза бо ин намуди бемориро надошта, хавфу хатари сирояти шадиди ин маризӣ ҳар лаҳза таҳдид намуданаш аз эҳтимол дур нест, зеро танҳо як нафар бемор бинобар наандешидани чораҳои пешгирӣ дар як рӯз садҳо нафаронро сироят намуданаш мумкин аст.
Гуфта мешавад, дар рафти маърака дар маконҳои серодам, аз ҷумла марказҳои савдо, бозорҳо, бахусус бозори марказии «Панҷшанбе» аз ҷониби гурӯҳи корӣ садҳо нафар ашхоси бениқоб ошкор ва ба онҳо корҳои фаҳмонидадиҳӣ гузаронида шуда, эшон бо ниқобҳои муҳофизатии яккарата ва бисёркарата тариқи ройгон таъмин шуданд.
ИЗОБРАЖЕНИЕ
“Мутаасифона боиси нигаронист, ки бархе нафарон ниқобҳои ғайрисанитариро низ мавриди истифода қарор додаанд, – омадааст дар хабар. – Ҳамин тариқ, бо мақсади ташвиқи саломатии сокинон ба беш аз 1000 нафар ниқобҳо ройгон дода шуданд”.
Зимни суҳбат аз сокинону меҳмонон даъват шуд, ки то ба эътидол омадани вазъияти пандемияи коронавируси нав аз гаштугузор ва сайругашт дар боғу гулгаштҳо, кӯчаву хиёбонҳо муваққатан худдорӣ намуда, талаботи Созмони Умумиҷаҳонии Тандурустӣ ва Ситоди ҷумҳуриявиро доир ба риояи қоидаҳои беҳдоштӣ риоя намуда, фарзандони худро беназорат нагузоранд.
ИЗОБРАЖЕНИЕ
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
