Сокини ноҳияи Рӯдаки Умедҷон Ҷайлобови 31-сола дар хиёбони Ҳофизи Шерозии пойтахт идораи автмашинааш – БМВ-ро ба ихтиёри духтари ноболиғе медиҳад, ки ҳуҷҷати ронандагӣ надошт.
Бино ба иттилои Раёсати ВКД Тоҷикистон дар шаҳри Душанбе, духтар аз уҳдаи идораи воситаи нақлиёт набаромада, ба автомашинаи тамғаи “Хонда” бармехӯрад, ки дар канори роҳ истода буд.
Пас аз садамаи нақлиёт Ҷайлобов идораи мошинро ба ихтиёри худ гирифта, бо духтар аз ҷойи ҳодиса ғайб мезананд.
Соҳибмулки автомашинаи мазкур ва ҷавонзани ронанда дастгир ва ба мақомоти милитсия дастрас карда шуданд.
Нисбат ба ронандаи автомашинаи тамғаи БМВ ва духтари ноблиғ парвандаи ҳуқуқвайронкунии маъмурӣ боз шудааст.
Гуфта мешавад, ба ронанда дар ҳаҷми 11 ҳазор сомонӣ ва ҳамсафари ӯ – духтари ноболиғ – 17 ҳазор ҷарима таҳдид мекунад.
Ҳамзамон духтари ноболиғ ҷиҳати таъмири автомашинаи ҷабрдида вазифадор карда шудааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
