Донишгоҳи давлатии тиҷорати Тоҷикистон барои ҳар омӯзгоре, ки рисолаи номзадӣ ва докторияшро ҳимоя мекунад, 4 ҳазор сомонӣ мукофотпулӣ медиҳад.
Ин нуктаро ректори донишгоҳ Маҳмадалӣ Қурбонзода, дар нишасти хабарии ин ниҳод зикр кард. Дар 6 моҳи соли 2021 дар ин донишгоҳ 14 нафар, аз ҷумла 1 нафар рисолаи докторӣ ва 13 нафар рисолаи номзадӣ ҳимоя намуданд. Ин дар ҳоле, ки соли гузашта дар ин давра ҳамагӣ 4 нафар рисолаи илмӣ дифоъ кардаанду халос. Устодони унвони илмидор дар ин донишгоҳ 51,4 дар садро ташкил медиҳанд.
Ректори ин донишгоҳ мегӯяд, ки муассисаи онҳо имсол бар асоси раддабандии Агентии давлатии назорат дар соҳаи маориф дар миёни мактабҳои олии кишвар ҷойи ҳафтумро соҳиб шуда, шомили даҳгонаи мактабҳои олии беҳтарини ҷумҳурӣ шудааст.
Имсол дар ин донишгоҳ нахустин донишҷӯёне, ки дар бахши фосилавӣ таҳсил доштанд, таҳсилро ба поён расиониданд. Донишгоҳи давлатии тиҷорати Тоҷикистон нахустин донишгоҳе дар Тоҷикистон буд, ки таҳсили кредитиро роҳандозӣ кард ва дар ин росто яке аз муваққатарин макттабҳои олии Тоҷикистон буд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
