Вазорати молияи Қирғизистон ҳисоботи худ дар бораи афзоиши маоши кормандони бахшҳои иҷтимоиро нашр кард.
Ба огаҳии вазорат, бештари маблағҳое, ки барои афзоиши маоши кормандони соҳаҳои иҷтимоӣ ҷудо гашта буд, ба бахши илм ва маориф равона карда шудааст. Ҳаминтариқ маоши омӯзгорони мактабҳои миёнаву мураббиёни боғчаҳо 80 дарсад ва омӯзгорони донишгоҳу кормандони илмӣ 50 дарсад зиёд гаштааст.
Маоши кормандони тиббӣ, аз ҷумла онҳое, ки дар бахшҳои техникӣ ва маъмурӣ фаъолият доранд, 50 дарсад баланд шудааст.
Моҳонаи кормандоне, ки дар бахши фарҳанг ва ҳифзи иҷтимоӣ фаъолият мекунанд, 100 дарсад боло бурда шудааст.
Пештар раиси Девони вазирони Қирғизистон хабар дода буд, ки маоши кормандони давлатиро марҳала ба марҳала зиёд мекунанд.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
