Нимаи аввали имрӯз, 24-уми январ, дар Душанбе таҳти раёсати Эмомалӣ Раҳмон, Президенти Тоҷикистон ҷаласаи васеи ҳукумати кишвар оғоз гардид.
Бино ба хабари хадамоти матбуоти расиси ҷумҳур, “дар кори маҷлис роҳбарият ва аъзои Ҳукумати кишвар, Дастгоҳи иҷроияи Президенти Ҷумҳурии Тоҷикистон ва воҳидҳои сохтории он, роҳбарони мақомоти марказии давлатӣ, идораҳои назди Президент ва Ҳукумат, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок доранд”.
Гуфта мешавад, ки дар ин ҷаласа натиҷаҳои рушди иқтисодию иҷтимоии кишвар дар соли 2023 мафассал баррасӣ гардида, вазифаҳои асосӣ барои соли 2024 муайян карда мешавад.
То ҳол дар бораи натоиҷи ин ҷаласа хабари расмӣ интишор нашудааст. Солҳои қаблӣ баъди баргузории ҷаласаи ҷамъбастии ҳукумат одатан тағйироти кадрӣ сурат мегирифт ва баъзе коршиносон тахмин мекунанд, ки зимни ин ҷаласа низ эҳтимол аст тағйироти кадрӣ сурат гирад.
Радиои Озодӣ менависад, ки ҷаласаи ҳукумат айни ҳол идома дорад. Хабарнигорони ин расона дар атрофи бинои ҳукумат теъдоде аз низомиёнро дидаанд.
