Дар Тоҷикистон машқҳои дуҷонибаи Қувваҳои мусаллаҳи Русия бо хизматчиёни ҳарбии маҳаллӣ оғоз шуд. Дар ин бора Вазорати мудофаи Русия хабар медиҳад.
“Асоси неруҳои ҳарбии Русияро воҳидҳои пойгоҳи низомии 201-уми Ҳавзаи марказии ҳарбӣ ташкил медиҳанд”, – гуфтаанд дар Вазорат.
ИЗОБРАЖЕНИЕ
Дар машқҳо ҷузъу томҳои неруҳои кӯҳгард, тирандозӣ, танкҳо, артиллерия, воҳидҳои иктишофӣ, мутахассисосни ҳифз аз ҳамлаи кимиёвӣ, амнияти радиоэлектронӣ, гурӯҳи чархболҳо иштирок мекунанд.
Маросими оғози тамринҳо дар машқгоҳи “Ҳарбмайдон” баргузор шуданд. Дар ин маросими сурудҳои миллии ду кишвар садо дода, парчамҳо барафрохта шуданд ва хизматчиёни ҳарбӣ дар гузашти низомӣ иштирок карданд.
Дар ҷараёни машқҳо ташкили истифодаи Қувваҳи мусаллаҳ оид ба нобуд кардани гурӯҳҳои террористӣ, омодагии неруҳо ба иҷрои вазифаҳо дар шароити кӯҳсор мавриди омӯзишу таҷрибаи амалӣ қарор мегиранд.
Ҳамчунин неруҳои ҳарбии Русия ва Тоҷикистон оид ба идоракунии воҳидҳо дар ҳифзи сарҳад ва маҳви нафароне, ки марзро ғайриқонунӣ гузаштаанд, машқҳо баргузор мекунанд.
Машқҳои ҳарбии мазкур аз 15 то 18 апрели соли 2024 баргузор мешаванд.
