Душанбе. 26-уми июл. «Азия-Плюс» — | Зимни мулоқоти вазири корҳои хориҷии Тоҷикистон Ҳамрохон Зарифӣ бо Комиссари олии Созмони амнияту ҳамкории Аврупо оид ба аққалиятҳои миллӣ, сафир Кнут Воллебек, Ҳамрохон Зарифӣ ба ҳукумат ва мардуми Норвегия дар робита ба ҳодисаҳои фоҷеабор изҳори ҳамдардӣ намуд.
Тавре ба ОИ «Азия-Плюс» аз департаменти иттилооти Вазорати корҳои хориҷии ҷумҳурӣ иттилоъ доданд, дар ҷараёни мулоқот сафир Воллебек бо мавқеъи ҳукумати Тоҷикистон бобати масоили марбут ба ваколати ӯ ва вазъи ҷамоатҳои этникӣ дар бахшҳои маориф, забон, сиёсат ва ғайра шинос шуд.
«Ҷонибҳо атрофии маҷмӯи васеъи масоили муҳими рушди минбаъдаи ҳамкорӣ бо кишварҳои минтақаи Осиёи Марказӣ табодули афкор намуда, аҳамияти мулоқоти мазкур барои густариши муносиботи Тоҷикистону САҲА-ро таъкид сохтанд», – гуфт манбаъ.
