Чанде қабл вазири корҳои хориҷии Тоҷикистон Ҳамрохон Зарифӣ намояндаи доимии Созмони Оғохон оид ба рушд (ACDN) дар Тоҷикистон Мунир Мералиро ба муносибати ба итмом расидани мӯҳлати адои вазифааш ба ҳузур пазируфт.
Тавре аз Вазорати корҳои хориҷии ҷумҳурӣ иттилоъ доданд, вазири корҳои хориҷӣ саҳми Мунир Мералиро дар равнақу густариши ҳамкориҳои Тоҷикистон ва Созмони Оғохон баланд арзёбӣ намуда, таманниёти беҳтарини худро дар фаъолияти минбаъдааш изҳор намуд.
Ба иттилои манбаъ, дар рафти мулоқот ҷонибҳо инчунин масъалаҳои таҳкими ҳамкориҳо миёни Тоҷикистон ва он Созмонро мавриди арзёбӣ қарор доданд. Аз ҷумла раванди татбиқи лоиҳаҳои Созмон дар кишвар мавриди баррасӣ қарор гирифтанд ва ҳамсӯҳбатон оид ба имкониятҳои мавҷудаи ҳамкориҳои мутақобилан судманд мубодилаи афкор намуданд.
