Душанбе. 26-уми июни с.2008. ОИ «Азия-Плюс» – Тибқи маълумоти сардори Хадамоти муҳоҷирати Вазорати корҳои дохилии (ВКД) ҶТ Девонаев С.А., иттилои хабаргузории агентии ИТАР-ТАСС бобати дар қисмати шимолу ғарбии шаҳри Маскав барпо шудани задухӯрди оммавӣ миёни шаҳрвандони Қазоқистон ва Тоҷикистон асоси воқеӣ надоранд.
Аз маркази матбуоти хадамоти муҳоҷирати ВКД ҶТ хабар доданд, ки дар асл чунин воқеа рух додааст: бегоҳии 24-уми июн дар назди хонаи рақами 26, дар шоҳроҳи Волоколамск ду шахсони ношинос ба шаҳрвандони Қазоқистон – хатмкунандагони донишкадаи авиатсионии шаҳри Маскав Когалбоев Г.М. ва Бекмуродов Р.К. бо корд таҳдид намуда, мехоҳанд, аз онҳо сумкаашонро бо дастгоҳи аксбардорӣ, телефони мобилӣ ва чизҳои дигар кашида гиранд, вале ба муқобилияти сахти ҷисмонӣ рӯ ба рӯ гардида, Когалбоевро аз ронаш бо корд захмӣ мекунанд. Онҳо аз ҷои ҳодиса ғайб заданӣ мешаванд, вале нозирони Бозрасии давлатии автомобилӣ онҳоро дастгир намуда, ба шӯъбаи милитсия меоранд.
Ба Когалбоев дар беморхонаи Склифосовский кӯмаки тиббӣ расонида, ӯро ҷавоб медиҳанд.
Боздоштшудагон Алиев М.А., ки макони зист надорад ва шаҳрванди шаҳри Моздоки Осетияи Шимолӣ-Алания Давидов Ш.М. мебошанд.
Дар шӯъбаи корҳои дохилии Шукино нисбат ба ин далел парвандаи ҷиноӣ оғоз шуда, тафтишот идома дорад.
