Панҷакент. 15-уми июл. ОИ «Азия-Плюс» – Дар ноҳияи Панҷакент ба муносибати таҷлили ҷашни 1150-солагии асосгузори адабиёти классикии форсу тоҷик Абӯабдуллоҳи Рӯдакӣ маҷаллаи мусаввари иттилоотии «Панҷакент» ба табъ хоҳад расид.
Аз мақомоти маҳаллии ҳокимияти давлатӣ ба ОИ «Азия-Плюс» хабар доданд, ки нашри маҷалла бо ташаббуси раиси шаҳри Панҷакент Хусрав Абдуназаров сурат гирифтааст.
Бино ба иттилои манбаъ, дар маҷалла оид ба ҷуғрофия, иқтисод,
фарҳанг ва дигар соҳаҳои ҳаёти шаҳру ноҳия маълумот дарҷ хоҳад гардид.
«Айни замон мавод ҷамъоварӣ мешавад ва ҷиҳати нашри маҷалла корҳои омодагӣ сурат мегиранд, – идома дод манбаъ. – Маҷалларо ба меҳмононе, ки ба ҷашн меоянд, тақдим мекунанд»
Ёдрас мекунем, ки моҳи сентябр дар шаҳри Панҷакент бахшида ба таҷлили ҷашни 1150-солагии Абӯабдуллоҳи Рӯдакӣ чорабиниҳои асосии идона баргузор мешаванд.
