Хуҷанд. 10-уми декабр. ОИ «Азия-Плюс» – Дар Суғд боз кӯшиши даст ба худкушӣ задан ба қайд гирифта шуд ва ин дафъа наҷот додани духтари ноболиғ муяссар гашт.
Тавре аз Раёсати умури дохилии вилояти Суғд ба ОИ «Азия-Плюс» хабар доданд, сокини 16-солаи шаҳри Истаравшан Фарзонаи Аминҷон ба иллати шароити тоқатфарсои зиндагӣ ва ба майзадагӣ гирифтор шудани падараш даст ба худкушӣ задаст.
Ба иттилои манбаъ, духтарои ноболиғ миқдори зиёди доруи димедролро истеъмол карда, бо аломатҳои заҳролудшавӣ ба беморхона оварда шудааст ва табибон ӯро аз марг наҷот додаанд. Нисбати ин ҳодиса додситонии шаҳри Истаравшан тафтишот мегузаронад.
Ёдрас мекунем, ки дар зарфи 10 моҳи соли ҷорӣ дар вилояти Суғд 188 нафар даст ба худкушӣ задаанд.
