Душанбе. 11-уми июн. ОИ «Азия-Плюс» – Шабонарӯзи гузашта дар ҷумҳурӣ бар асари садамаи нақлиёт 4 кӯдак ба ҳалокат расид.
Чӣ тавре ки ба ОИ «Азия-Плюс» аз раёсати Бозрасии давлатии автомобилии ВКД ҶТ иттилоъ доданд, дар шаҳри Душанбе ронандаи 19-солаи автомашинаи «Опел-Астра» ду духтари 8-соларо бо мошин зер мекунад ва яке аз онҳо дар беморхона ба ҳалокат мерасад. «Дар шаҳри Ваҳдат ва ноҳияи Ғончӣ низ духтари 6-сола ва писари 2-сола зери чархи мошин монда, ба ҳалокат расиданд», – гуфт манбаъ.
Бино ба иттилои манбаъ, дар шаҳри Норак автомашинаи ГАЗ-53 ба садама дучор гардида, дар натиҷа ронанда ва писари 11-сола ҳалок мешаванд.
