Душанбе. 28-уми июл. ОИ «Азия-Плюс» – Ба санаи 1-уми июли соли ҷорӣ сандуқи сармоягузории Тоҷикистон 56 лоиҳаро дар бар гирифта, ҳаҷми умумии он ба 7,3 млрд. сомонӣ (зиёда аз 1,66 млрд $) баробар аст.
Чанде пештар раиси Кумитаи давлатии сармоягузорӣ ва идораи амволи давлатии ҶТ Фаррух Ҳамралиев изҳор дошт, ки 74,2 дарсади ҳаҷми сандуқи сармоягузориро – воситаҳои қарзӣ, 15,2 дарсадашро – воситаҳои бурсӣ ва боқимонда 10,6 дарсадашро – воситаҳои буҷавӣ ташкил медиҳанд. «Дар нимсолаи аввали соли ҷорӣ ҳаҷми азхудкунии воситаҳои лоиҳаҳои сармоягузорӣ муодили 626,2 млн. сомонӣ (беш аз 142,6 млн.
$
) шуд», – гуфт вай.
Ба гуфтаи Ф.Ҳамралиев, ҳаҷми маблағҳои сармоягузории ҷалбгардида дар нимсолаи аввал 1,5 млрд. (ҳудуди 342 млн.
$
) сомониро ташкил додааст. «Аз рӯи ҳисобҳои пешакии кумита, соли равон дар маҷмӯъ, ба иқтисоди кишвар дар ҳаҷми 1,5 млрд.
$
маблағҳои сармоягузорӣ ҷалб хоҳанд гардид», – афзуд ӯ.
