Соли равон дар Тоҷикистон беш аз 160 ҳазор нафар кӯдакон бори нахуст пой ба остонаи мактаб мениҳанд.
Соли гузашта ин шумор каме бештар – ба 161 ҳазору 132 нафар кӯдакон баробар буд.
Роҳбари хадамоти матбуоти Вазорати маорифи ҷумҳурӣ Ноилшо Нуралиев зикр кард, ки имсол соли нави хониш ба таври маъмулӣ – 1-уми сентябр оғоз мегардад. Мутобиқи қарори Вазорати маориф, дар ин рӯз дар тамоми макотиб ҷамъомади тантанавӣ доир гардида, сипас дарси сулҳ баргузор мешавад.
Бино ба маълумоти пешакии Вазорати маорифи кишвар, соли равон шумори толибилмон дар макоиби таҳсилоти умумии ҷумҳурӣ 1 млн. 700 ҳазор (соли гузашта – 1 млн. 693 ҳазор) нафарро ташкил хоҳад дод.
Айни замон дар Тоҷикистон 3 ҳазору 747 адад макотиби таҳсилоти умумӣ амал мекунанд. Дар соли нави хониш 140 мактаби нав дарҳои худро ба рӯйи толибилмон боз карданд.
