Бо қарори ҳукумати Тоҷикистон муовини вазири молияи ҷумҳурӣ Ҷамшед Норинов аз вазифа озод карда шуд.
Тавре ба ОИ «Азия-Плюс» як манбаъ аз ҳукумати ҷумҳурӣ хабар дод, қарори ҳукумат дар ин бора рӯзи 9-уми март ба имзо расида, вазифаи муовини вазири молия, ки Ҷамщед Норинов ишғол мекард, алҳол холӣ аст.
Ҷамшед Норинов муовини раиси вилояти Суғд таъин карда шуд. Рӯзи сешанбе раиси вилояти Суғд муовини нави худро ба дастгоҳи ҳукумати вилоят муаррифӣ кард.
Маълумотнома:
Норинов Ҷамшед Нурмаҳмадович 14-уми декабри соли 1960 таваллуд шудааст. Соли 1983 Донишгоҳи давлатии Тоҷикистонро хатм намудааст.
солҳои 1983-1988 – нозир-тафтишотчии Вазорати молияи ҶТ дар вилояти Қӯрғонтеппа;
солҳои 1988-1990 – нозир-тафтишотчии Вазорати молияи ҶТ дар ноҳияи Коммунистӣ;
солҳои 1990-1993 – сарнозир-тафтишотчии Вазорати молияи ҶТ дар вилояти Қӯрғонтеппа;
солҳои 1993-1994 – муовини сардори Раёсати молияи вилояти Хатлон;
солҳои 1994-2001 – сардори Раёсати назорат ва тафтишоти Вазорати молияи ҶТ дар вилояти Хатлон;
солҳои 2001-2006 – сардори Раёсати назорати давлатии молиявии Кумитаи назорати молиявии ҶТ дар вилояти Хатлон;
Аз соли 2006 то 9-уми марти соли 2011 – муовини вазири молияи Ҷумҳурии Тоҷикистон.
