Тибқи қарори раиси палатаи болоии парлумони ҷумҳурӣ Маҳмадсаид Убайдуллоев, иҷлосияи даҳуми Маҷлиси миллии Маҷлиси Олии ҶТ даъвати чорум санаи 19-уми июл дар шаҳри Душанбе доир мегардад.
Тавре ба ОИ «Азия-Плюс» аз палатаи болоии парлумон хабар доданд, дар иҷлосия қонунҳои қаблан аз ҷониби палатаи поёнии парлумон қабулшуда, аз ҷумла ворид намудани тағйирот ба Кодекси меҳнат, қонунҳо «Дар бораи хизмати давлатӣ», «Дар бораи милитсия» ва ғайра баррасӣ мешаванд.
