Ду нафар наврасон – сокинони шаҳри Душанбе ба ҳамлаи ғоратгарона гумонбар дониста мешаванд.
Бино ба маълумоти Вазорати корҳои дохилии ҷумҳурӣ, толибилмони синфи 11-уми мактабҳои таҳсилоти умумии № 31 ва № 55-и пойтахт Умед Пиров ва Мустафо Акрамов бо роҳи таҳдиду зӯроварӣ ба корманди ҶДММ «Мелодиён», Машҳур Алиеви 21-сола дарафтодаанд.
Бино ба маълумоти манбаъ, шоми 23-юми сентябр онҳо ба корд мусаллаҳ гардида, ба утоқи кории М.Алиев ворид мегарданд ва бо роҳи таҳдиду зӯроварӣ 2 ҳазору 746 сомонӣ маблағи пулии ӯро бо худ гирифта, аз ҷойи ҳодиса ғайб мезананд.
Умед Пиров аз ҷониби кормандони милиса аллакай боздошт шуда, Мустафо Акрамов мавриди ҷустуҷӯ қарор дорад.
