Дар Берлин рӯзномаи гуфтушунидҳои байниҳукуматии Тоҷикистону Олмон баррасӣ гардид.
Бино ба иттилои Вазорати корҳои хориҷии ҷумҳурӣ, ахири ҳафтаи гузашта дар Вазорати ҳамкориҳои иқтисодӣ ва рушди Олмон бо иштироки намояндагони сафорати Тоҷикистон дар Олмон ва намояндаи Вазорати рушди иқтисод ва тиҷорати Тоҷикистон ҷиҳати баррасии рӯзномаи гуфтушунидҳои навбатии байниҳукуматии Тоҷикистону Олмон вохӯрӣ баргузор гардид.
Интизор меравад, ки рӯзҳои 28-29 ноябри соли 2012 дар шаҳри Душанбе музокироти байниҳукуматии ду кишвар доир мегарданд. Дар рафти ин музокирот масоили ҳамкории минбаъдаи молию техникӣ дар соҳаи рушд ва татбиқи лоиҳаҳои нав бо иштироки Олмон барои таҳкими иқтидори молию иқтисодӣ, энергетикӣ ва соҳаҳои илму маорифи Тоҷикистон мавриди баррасӣ қарор хоҳанд гирифт.
