Бо қарори раиси шаҳри Душанбе Маҳмадсаид Убайдуллоев, то 30 сентябри соли 2013 ҳаракати воситаҳои нақлиёт дар роҳи автомобилгарди кӯчаи Лоҳутии воқеъ дар назди бозори Шоҳмансури пойтахт (аз кӯчаи С.Айнӣ то гардиши кӯчаи Шотемур») қатъ карда мешавад.
Бино ба маълумоти мақомоти шаҳрдории пойтахт, дар кӯчаи зикршуда корҳои таъмиру барқарорсозӣ оғоз шудаанд.
«Хадамоти дахлдори мақомоти шаҳрдорӣ муваззаф шуданд, ки дар ин давра самти ҳаракати нақлиёти мусофирбарро ба кӯчаҳои ҳамшафат муайян намуда, дар нақшаҳои хатсайри воситаҳои нақлиёти мусофирбар тағйирот ворид намоянд», – гуфт манбаъ.
