Як донишҷӯи Донишгоҳи давлатии Қӯрғонтеппа ба гумони даст доштан дар муомилоти ғайриқонунии маводи мухаддир боздошт шуд.
Бино ба иттилои Вазорати корҳои дохилии ҷумҳурӣ, зимни баргузории амалиёти фаврӣ-ҷустуҷӯӣ аз ҷониби кормандони шуъбаи ВКД ҶТ дар ноҳияи Ҷалолиддини Румӣ донишҷӯи соли сеюми донишгоҳи зикршуда, Шерхон Тағоеви 20-сола боздошт шудааст.
Ба иттилои манбаъ, ҳангоми кофтукови шахсии донишҷӯ аз ӯ ба миқдори беш аз 1 кило маводи мухаддири навъи ҳашиш дарёфт ва мусодира гардидааст.
