Дар Тоҷикистон шурӯъ аз 1-уми октябр даъвати тирамоҳии наваскарон ба хидмати ҳатмии ҳарбӣ оғоз гардид. Он то охири моҳи ноябри соли равон идома хоҳад кард.
Тавре дар Вазорати мудофиа иттилоъ доданд, дар даъвати тирамоҳӣ шаҳрвандони соли таваллудашон 1986-1995 ба хидмати ҳарбӣ чалб хоҳанд шуд.
Манбаъ афзуд, хизматчиёне, ки муҳлати хизмати ҳарбиро адо намудаанд, ба эҳтиёт рухсат дода хоҳанд шуд. Қаблан президент бо судури як фармон дар мавриди даъвати наваксарон Вазорати фарҳанг, Кумитаи чавонон, варзиш ва сайёҳӣ, Кумитаи телевизион ва радиои Точикистонро вазифадор намуда буд, ки омодагӣ ва рафти даъвати шаҳрвандонро ба хизмати ҳарбӣ ба таври васеъ инъикос намуда, хизмати ҳарбиро дар Қувваҳои Мусаллаҳи Точикистон ҳамчун вазифаи муқаддаси ҳар як шаҳрванд тарғибу ташвиқ намоянд. Ҳамчунин Вазорати тандурустии Точикистон вазифадор шуда буд, ки барои муоинаи назоратии тиббии даъватшавандагон табибону мутахассисони ботачрибаро таъмин намояд.
