Имрӯз дар пойтахти Қирғизистон – шаҳри Бишкек таҳти унвони «Афғонистон ва Осиёи Марказӣ дар соли 2014: Нақши СААД дар таъмини амнияти минтақавӣ» мизи гирд доир мегардад.
Дар ҷараёни кори мизи гирд аз фаъолияти Қирғизистон дар раёсати Созмони аҳдномаи амнияти дастаҷамъӣ (СААД) дар соли 2013 натиҷагирӣ шуда, хатарҳои эҳтимолии марбут ба вазъи Афғонистон дар соли 2014 арзёбӣ хоҳанд шуд.
Дар чорабинии мазкур ҳамчунин атрофи масоили бахшида ба сатҳи самаранокӣ ва дурнамои ҳамкории мутақобилаи кишварҳои Осиёи Марказӣ дар доираи СААД ва дигар ташкилотҳои байнулмилалӣ бо мақсади таҳкими амнияти минтақавӣ ва шарики байнулмилалӣ табодули назар сурат хоҳад гирифт.
