Дар Агентии назорати маводи нашъаовари назди Президенти ҶТ вохӯрии муовини Директори Агентӣ Бунафша Одинаева бо Намояндаи махсуси Иттиҳоди Аврупо оид ба Осиёи Марказӣ хонум Патрисия Флор баргузор гардид.
Бино ба иттилои шуъбаи робита бо ҷомеаи Агентӣ, Бунафша Одинаева дар бораи чораву тадбирҳое, ки Ҳукумати Ҷумҳурии Тоҷикистон дар самти назорати маводи мухаддир меандешад, муфассал нақл карда, меҳмони олиқадро бо вазъи мухаддиротӣ дар ҷумҳурӣ ва минтақа, фаъолияти мақомоти ҳифзи ҳуқуқ ва сохторҳои қудратӣ дар мубориза бо муомилоти ғайриқонунии маводи нашъадор шинос намуд.
Муовини Директор саҳми барномаҳои амаликунандаи барномаҳои Иттиҳоди Аврупо, ба монанди БОМКА ва КАДАП дар таъмини амнияти сарҳадот ва паст намудани талабот ва пешниҳоди маводи нашъаовар қайд намуда, ба онҳо баҳои баланд дод.
Дар рафти вохӯрӣ масъалаҳои ҳамкорӣ дар доираи Нақшаи амалии Иттиҳоди Аврупо оид ба пешгирии паҳнкунии маводи нашъаовар дар Осиёи Марказӣ барои солҳои 2014-2020 баррасӣ гардид.
Хонум Патрисия Флор ба масъалаҳои муҳокимагардида таваҷҷӯҳи хоса зоҳир намуда, изҳор кард, ки барои таҳкими минбаъдаи ҳамкориҳо дар ин самт мусоидат хоҳад кард.
Дар поёни мулоқот ҷонибҳо ба ҳамкориҳои Иттиҳоди Аврупо ва Ҷумҳурии Тоҷикистон дар масъалаи мубориза бо гардиши ғайриқонунии маводи нашъадор, баҳои баланд доданд ва изҳори умед карданд, ки ин ҳамкориҳо минбаъд ҳам густариш хоҳанд ёфт.
