Дар Агентии назорати маводи нашъаовари назди президенти Тоҷикистон як миқдор маводи мухаддир нобуд карда шуд.
Сардори шуъбаи робита бо ҷомеаи Агентӣ Хушунд Раҳматуллоев ба ОИ «Азия-Плюс» дар ин робита иттилоъ дод, ки дар оташдонҳои махсуси Агентӣ ин дафъа 144 кило маводи мухаддир, аз ҷумла 43,5 кило героин, 3,4 кило афюн ва 96 кило маводи мухаддири гурӯҳи каннабис сӯзонида шуданд.
Бино ба иттилои манбаъ, маводи мухаддири нобудшуда ба сифати далели шайъӣ дар 3 парвандаи ҷиноӣ истифода гардида, аз рӯи онҳо ҳукми додгоҳ содир шудааст.
Зимнан зикр гардид, ки ин маросим бо тартиби муқаррашудаи қонунгузорӣ ва дар ҳузури комиссияи иборат аз кормандони мақомоти судӣ ва дигар мақомоти ҳифзи ҳуқуқу рӯзноманигорон гузаронида шуд.
