Зимни як амалиёти кормандони Вазорати корҳои дохилии ҷумҳурӣ дар ноҳияи Шӯроободи вилояти Хатлон, ки бо Афғонистон ҳаммарз аст, миқдори зиёди маводи мухаддир дарёфт ва мусодира карда шуд.
Бино ба иттилои маркази матбуоти ВКД ҶТ, аз рӯи ин далел шаҳрванди 36-солаи Афғонистон Саидалӣ валади Аҳмад боздошт шуда, аз ӯ ба миқдори беш аз 37 кило маводи мухаддири навъи бангдона дарёфт ва мусодира шудааст.
Зимнан зикр мегардад, ки аз рӯйи ин далел парвандаи ҷиноӣ боз шуда, тафтиш идома дорад.
