Дар корхонаҳои Минтақаи озоди иқтисодӣ (МОИ)-и «Суғд» технологияҳои нави истеҳсолӣ мавриди истифода қарор мегиранд.
Бино ба иттилои хадамоти матбуоти раиси вилояти Суғд бо истинод ба маъмурияти МОИ, дар корхонаи муштараки «Силкоат бойя» – и Тоҷикистону Туркия, ки ҷузви Минтақаи озоди иқтисодии «Суғд» ба шумор рафта, ба истеҳсоли локу ранг ва пардоздиҳӣ машғул аст, хатти нави технологӣ ба кор дароварда шуда, ин имкон медиҳад, ки навъи маҳсулот ва ҳаҷми тавлидот зиёд карда шавад.
Ба иттилои манбаъ, баъди мавриди истифода қарор гирифтани технологияи нав иқтисоди лоиҳавии корхона ба 4 ҳазор тонна мерасад.
Гуфта мешавад, роҳбарияти корхонаи мазкур ният дорад, ки барои содироти маҳсулоташ ба Федератсияи Русия ва Ҷумҳурии мардумии Чин шартномаҳои муштаракро ба имзо расонад.
Қобили зикр аст, ки маҳсулоти корхонаи муштараки «Силкоат бойя» на фақат дар бозори дохилии Тоҷикистон, балки дар бозорҳои кишварҳои ҳамсоя, аз қабили Афғонистон, Қирғизистон ва Қазоқистон низ харидори зиёд дорад.
