Дафтари Интерполи ВКД дар Ҷумҳурии Хакасия дар ҳамдастӣ бо кормандони Раёсати Хадамоти федералии иҷрои ҷазои Русия дар Хакасия ошкор намудаанд, ки маҳбуси яке аз муассисаҳои ислоҳотӣ бо ному насаби дигар адои ҷазо мекунад.
Бино ба иттилои сомонаи расмии ВКД дар Хакасия, зимни санҷиш маълумот тасдиқ шудааст: зодаи шаҳрванди 29-солаи Тоҷикистони ба 5 солу 10 моҳи зиндон барои ғоратгарӣ маҳкумшуда натанҳо ному насаби дигар дорад, балки санаи таваллудаш низ ба соли 1983 иваз шудааст.
«Гузашта аз ин, муайян карда шудааст, ки ин шаҳрванд аз ҷониби мақомоти интизомии Тоҷикистон барои ташкили гурӯҳи ҷиноятпеша мавриди ҷустуҷӯи байнулмилалӣ эълон шуда, шахсият ва бо ному насаби шахси дигар адои ҷазо кардлани ӯ тасдиқ гардидааст», – омадааст дар хабар.
Гуфта мешавад, пас адои муҳлати ҷазо дар муассиса ислоҳоии Русия ин шаҳрванд ба қаламрави Тоҷикистон истирдод мегардад.
Қобили зикр аст, ки айни замон Дафтари Интерпол дар Тоҷикистон дар саросари дунё 147 нафар шаҳрвандони тоҷики ба содир намудани ҷиноят гумонбаршуда ва 68 нафари бедаракшуда дар Тоҷикистонро ҷустуҷӯ мекунад.
