Нимаи дуюми рӯзи 10 июли соли равон дар Агентии назорати маоди нашъаовари назди Президенти ҶТ таҳти роҳбарии Директори Агентӣ генерал-лейтенанти милитсия Р. Назарзода ҷаласаи ҳайати роҳбарикунандаи раёсату шуъбаҳои дастгоҳи марказӣ ва вилоятӣ аз рӯи натиҷаи фаъолиятт иперативӣ-хизматӣ дар нимсолаи аввали соли 2014 баргузор гардид.
Бино ба иттилои шуъбаи робита бо ҷомеаи Агентӣ, дар ҷаласа натиҷаи фаъолияти раёсатҳои Агентӣ дар вилоятҳо муҳокима гардида, ҳисоботҳои ҷузъу томҳои оперативии Агентӣ дар шаҳри Душанбе, фаъолият дар самти мубориза бар зидди гурӯҳҳои муташаккили ҷиноятпеша, ки бо гардиши ғайриқонунии маводи нашъаовар машғул мебошанд, шунида шуданд. Инчунин нақшаи чорабиниҳои ташкилиии Агентӣ барои нимсолаи дуюми соли 2014 муҳокима гардид.
Баромадкунандагон дар баробари ҷиҳатҳои мусбӣ дар фаъолияти худ як қатор норасоиҳоро дар соҳаи ташкили фаъолияти оперативӣ-ҷустуҷӯӣ, пешгирии қочоқи маводи нашъаовар, ки ба вилоятҳо тавассути сарҳади Тоҷикистону Афғонистон интиқол мешавад, инчунин масъалаҳои ошкор ва қатъ намудани фаъолияти гурӯҳҳои муташаккили ҷиноятпеша, ки робитаҳои байгниминтақавӣ ва байнидавлатӣ доранд, қайд намуданд.
Ҳамзамон дар ҷаласа масъалаҳои пешгирии нашъамандӣ дар ноҳияҳои наздисарҳадии Бадахшон, аз ҷумла дар Ишкошим ва Мурғоб муҳокима шуданд.
Қарор қабул карда шуд, ки як қатор роҳбарони ҷузъу томҳои Агентӣ бадал (ротатсия) карда шаванд.
