Ба муносибати Иди Рамазон созмони хайрияи «Дасти ёрӣ» аксияи хайрияи «Бастаи Рамазон»-ро роҳандозӣ намуда, дар доираи он ба шаҳри Хоруғ ва деҳаи Иттирган (каме дуртар аз Данғара) маҳсулоти ғизойӣ ва сарулибос фиристода шуд.
Муассиси «Дасти ёрӣ» Комил Арешов ба «Азия-Плюс» дар ин робита иттилоъ дод, ки ин кумак ба оилаҳои камбизоати маҳаллаҳои аҳолинишини зикршуда аст.
«Имрӯз сари ҳар як оила дар деҳаи Иттиган 10 кило орд, 2 литр равған ва 1 килогӣ макарон дода шуда, дар маҷмӯъ ба 200 оила чунин кумак карда мешавад», – гуфт ӯ.
Ба гуфтаи Арешов, иқдоми «Бастаи Рамазон» бо кумаку мусоидат ва хайрияи шахсони ҷудогона доир мегардад.
«Ғайр аз ин, дирӯз мо ба шаҳри Хоруғ низ «Бастаи Рамазон»-ро фиристодем, ки аз сарулибос барои кӯдакону калонсолон, пойафзол, бозича ва ғайра иборат аст», – афзуд номбурда.
