Бар асари ҳлдисаи кордзанӣ дар маркази маъмурии Бадахшон – шаҳри Хоруғ як ҷавони 19-сола ба ҳалокат расид.
Бино ба иттилои маркази матбуоти ВКД ҶТ, рӯзи 2-юми август Рахул Рустамбекови 24-сола аз ҳиссиёти авбошӣ бо сокинони шаҳри Хоруғ Фирдавс Амиршов ва Гуласар Азимшоев, ҳарду 19-сола ба муноқиша пардохтааст.
Ба иттилои манбаъ, ӯ бо корд 1-маротиба ба тарафи чапи гардани Фирдавс Амиршоев ва 1-маротибаи дигар ба қабурғаҳои Гуласар Азимшоев задаст, ки дар натиҷа Ф.Амиршоев ҷароҳати вазнини ҷисмонӣ бардошта, ҳангоми ба беморхона бурдан ба ҳалокат расидаааст ва Р.Азимшоев бо ҷароҳати ҷисмонӣ дар беморхона бистарӣ гардидааст.
Гуфта мешавад, Рахул Рустамбеков аз ҷониби кормандони милитсия бо гумони қасдан расонидани зарари вазнин ба саломатӣ дастгир карда шуда, нисбати ҳодисаи мазкур парвандаи ҷиноӣ оғоз гардида, тафтишот идома дорад.
