Рӯзи 7-уми август дар Душанбе мусобиқоти Чемпионати XI-уми ҷаҳон миёни наврасон ва VI-ум миёни собиқадорон оид ба таэквон до (ИТФ) оғоз мегардад.
Мусобиқаҳо дар маҷмааи варзишии Кумитаи андози назди ҳукумати Тоҷикистон баргузор шуда, шоми рӯзи 7-уми август дар ҳамон ҷо маросими расмии ифтитоҳи чумпионат доир мегардад.
Ҳукумати Тоҷикистон барои баргузории нахустин мусобиқаи чемпионати ҷаҳон дар таърихи кишвар 600 ҳазор сомонӣ маблағ ҷудо карда, ҳамчунин хизматгузориҳои зиёди имтиёзнок ё ройгонро пешниҳод мекунад. Ғайр аз ин, Федератсияи миллии таэквон-до ва кикбоксинги Тоҷикистон дар ҳамдастӣ бо шарикони худ барои дар сатҳи зарурӣ баргузор шудани чемпионат боз 400 ҳазор сомонӣ маблағ хароҷот мекунад.
Дар мусобиқоти Чемпионати ҷаҳон оид ба таэкон-до (ИТФ) дар Душанбе беш аз 600 нафар варзишгарон аз 52 кишвари дунё иштирок мекунанд. Тоҷикистонро 43 нафар варзишгарон намояндагӣ мекунанд, ки 20 нафарашон духтарон мебошанд.
Дар Чемпионати ахири Осиё оид ба таэквон-до (ИТФ) дар Непал дастаи мунтахаби Тоҷикистон ба гирифтани 23 медали итлло шарафёб гардида буд. Давоми 20 сол Федератсияи миллии таэквон-до ва кикбоксинги Тоҷикистон аз рӯи ин навъи варзиш 36 чемпиони ҷаҳон ва 35 устоди варзиши дараҷаи байнулмилалӣ омода кардааст.
