Нимаи дуюми имрӯз дар маҷлисгоҳи Китобхонаи миллии Тоҷикистон маросими гусели ҳайати варзишии Тоҷикистон ба Бозихои XVII осиёӣ ба Инчон (Ҷумҳурии Корея) баргузор мешавад.
Бино ба иттилои Кумитаи миллии олимпии ҷумҳурӣ, дар маросим ҳайати Тоҷикистон ба ин бозиҳо ва сарулибоси варзишии намояндагони кишвар муаррифӣ мешавад.
Дар маросими мазкур иштирок ва суханронии ҳидояткунандаи раиси Кумитаи ҷавонон, вразиш ва сайёҳии назди ҳукумати ҶТ Аҳтам Рустам Абдуллозода, дабири кулли Кумитаи миллии олимпии кишвар Баҳрулло Раҷабалиев ва ду карат дорандаи ҷоизаи Бозиҳои осиёӣ Исмоил Иисроилов дар назар аст.
Ҳамчунин баргузории маросими гулгузорӣ ба пояи муҷассамаи Исмоили Сомонӣ дар майдони Дӯстӣ, аксбардории хотиравӣ ва суҳбат бо намояндагони васоити ахбори умум низ ба нақша гирифта шудааст.
