Дар деҳаи Наймани ҷамоати деҳоти Сурхи шаҳри Исфара сохтмони коргоҳи хурди дӯзандагӣ оғоз ёфт.
Бино ба иттилои хадамоти матбуоти раиси вилояти Суғд, ин коргоҳ аз ҷониби соҳибкорзани маҳаллӣ Раънохон Маҳмудова бунёд гардида, дар он 70 нафар бо ҷои кор таъмин мешаванд.
Гуфта мешавад, мувофиқи лоиҳа бинои коргоҳи дӯзандагӣ аз 3 ошёна иборат буда, иҷрои корҳои пудратиро Ҷамъияти дорои масъулияташ маҳдуди «Исфара – Экспресс» бар ӯҳда гирифтааст.
Интизор меравад, коргоҳи дӯзандагӣ дар арафаи таҷлили ҷашни Наврӯзи соли оянда мавриди истифода қарор дода шавад.
