Комроншоҳи Устопириён, паҳлавони маъруфи тоҷик, дар мусобиқаи байналмилалии Гран-прии дзюдо дар Остонаи Қазоқистон, ки рӯзҳои 10-12-уми октябр доир гардид, медали тилло ба даст овард.
Бино ба иттилои Кумитаи миллии олимпии ҶТ, дар ин мусобиқа, ки байни мардону занон дар 7 вазн сурат гирифт, 277 варзишгар аз 36 кишвари ҷаҳон ширкат дошт. «Онҳо инчунин барои имтиёзҳои олимпии Бозиҳои соли 2016 мубориза бурданд», – зикр мегардад дар хабари Кумитаи миллии олимпӣ.
Гуфта мешавад, ба ҳайати дастаи мунтахаби Тоҷикистон 7 варзишгар шомил буда, онҳо дар сабқати мардон дар чор вазн рақобат карданд.
