Вазири корҳои хориҷии Ҷумҳурии Тоҷикистон Сироҷидин Аслов сафири Британияи Кабир дар Тоҷикистон Робин Орд-Смитро бинобар ба итмом расидани муҳлати хизмати дипломатиаш дар ҷумҳурӣ ба ҳузур пазируфт.
Бино ба иттилои Вазорати корҳои хориҷии ҶТ, дар оғози суҳбат вазири корҳои хориҷӣ барои саҳми арзандаи сафир баҳри густариши робитаҳои дуҷонибаи Тоҷикистону Британияи Кабир изҳори миннатдорӣ намуда, қайд кард, ки дар давоми фаъолияти ӯ дар Тоҷикистон ҷонибҳо ба муваффақиятҳо дар соҳаҳои мухталифи ҳамкориҳои дуҷониба комёб шуданд.
Дар навбати худ, сафир Орд-Смит барои мусоидат ва дастгирӣ дар давоми фаъолияти дипломатиаш дар Тоҷикистон ба Вазири корҳои хориҷӣ изҳори миннатдорӣ намуд.
Дар анҷоми мулоқот вазири корҳои хориҷӣ ба сафири Британия муваффақияти комилро дар фаъолияти минбаъдаи касбӣ таманно намуд.
