Ҳизби халқии демократии Тоҷикистон номзадии директори идоракунандаи КВД «Ширкати алюминии тоҷик» (ТАЛКО) Садриддин Шариповро ба вакилӣ дар палатаи поёнии парлумон пешбарӣ карданист. Дар ин бора ба «Азия-Плюс» як манбаъ аз ҳукумати ҷумҳурӣ хабар дод.
Биноба иттилои манбаъ, аввали ҳафтаи оянда Садриддин Шарипов дар конфронси минтақавии ҲХДТ аз ҳавзаи интихоботии шаҳри Турсунзода номзад ба вакилӣ пешбарӣ мешавад.
Қобили зикр аст, ки ҳавзаи интихоботии мазкурро дар даъвати кунунии Маҷлиси намояндагони Маҷлиси Олии Тоҷикистон собиқ раиси шаҳри Турсунзода Баракатулло Атохоҷа намояндагӣ мекунад.
Металлурги касбӣ Садриддин Шарипов узви ду даъвати ахири палатаи болоии парлумони Тоҷикистон мебошад.
