Санаи 16-уми январи соли 2015 муовини вазири корҳои хориҷии Тоҷикистон Парвиз Давлатзода роҳбари Намояндагии Раёсати Комиссариати олии СММ оид ба гурезагон дар Тоҷикистон Кевин Алленро бо хоҳиши ӯ ба ҳузур пазируфт.
Бино ба иттилои Вазорати корҳои хориҷии ҷумҳурӣ, зимни мулоқот мавзӯъҳои ҳамкории дуҷониба, аз ҷумла вазъи ҳуқуқии гурезагон, ки дар қаламрави Тоҷикистон иқомат менамоянд, мавриди муҳокима қарор гирифтанд.
Гуфта мешавад, тарафҳо зарурати фаъолгардонии талошҳоро дар самти таъмин ва ҳимояи ҳуқуқи гурезагон дар ҳошияи меъёрҳои ҳуқуқи байналмилалӣ таъкид сохтанд.
