Рӯзи 29 январи соли 2015 дар шаҳри Истамбули Ҷумҳурии Туркия ҷаласаи 11-уми Комиссияи байниҳукуматии долон (коридор)-и нақлиётии Аврупо-Қафқоз-Осиё (ТРАСЕКА) баргузор гардид.
Бино ба иттилои хадамоти матбуоти Вазорати нақлиёти ҶТ, дар кори ҷаласа ҳайати Ҷумҳурии Тоҷикистон таҳти роҳбарии Вазири нақлиёти Ҷумҳурии Тоҷикистон – Хайрулло Асозода иштирок варзиданд.
Гуфта мешавад, дар ҷаласа масъалаи рушди долони нақлиётии ТРАСЕКА дар давраи Раисии Ҷумҳурии Тоҷикистон дар ин Комиссия, татбиқи Дурнамои ТРАСЕКА оид ба рушди долони нақлиётӣ барои солҳои 2013-2015 ва чорабиниҳо ҷиҳати татбиқи Консепсияи рушди ҳамлу нақли байналмилалии автомобилӣ баррасӣ карда шуданд.
