Рӯзи 11 феврали соли 2015 вазири корҳои хориҷии Тоҷикистон Сироҷидин Аслов бо директори Дафтари Швейтсария оид ба ҳамкорӣ дар Ҷумҳурии Тоҷикистон Питер Микула мулоқот анҷом дод.
Бино ба иттилои Вазорати корҳои хориҷии ҶТ, зимни вохӯрӣ ҷонибҳо масъалаҳои муносибатҳои Тоҷикистону Швейтсарияро муҳокима карда, оид ба омодагӣ ба Конфронси байналмилалии сатҳи баланд роҷеъ ба натиҷаҳои татбиқи Даҳсолаи байналмилалии амал “Об барои ҳаёт 2005-2015”, ки 9-11 июни соли ҷорӣ дар шаҳри Душанбе баргузор хоҳад гашт, табодули назар намуданд.
