Вазири корҳои хориҷии Қирғизистон Эрлан Абдилдаев изҳор дошт, ки муносибатҳои ин кишвар бо Ӯзбекистону Тоҷикистон номуайян боқӣ мемонанд. Дар ин бора
ВАО-и Қирғизистон
иттилоъ медиҳанд.
«Муносибатҳои мо бо ҳамсоякишварҳо – Ӯзбекистону Тоҷикистон номуайян боқӣ мемонанд. Бо назардошти тақвияти мавқеъи Русия дар минтақа, аз ҷумла иштироки он дар лоиҳаҳои гидроэнергетикии Қирғизистон, мавқеъи Тошканд дар робита ба қатъи муколамаи дуҷониба ва мутаваққиф сохтани интиқоли газ ба ҷануби ҷумҳурӣ баръало возеҳ гардид», – гуфтааст Абдилдаев зимни суханронии рӯзи 16 феврал дар Кумитаи умури байнулмилалии парлумони Қирғизистон.
Ба гуфтаи ӯ, дар навбати худ мушкилоти ҷойдоштаи марзӣ бо Тоҷикистон муносибатҳо миёни кишварҳоро давоми соли гузашта нисбатан муташанниҷ намуданд.
