Сафири Ҷумҳурии Тоҷикистон дар Ҷумҳурии Арабии Миср Хусрав Нозирӣ дар Қоҳира бо мудири Идораи Аврупои Дабирхонаи Ҷомеаи давлатҳои арабӣ Умния Тоҳо дидору гуфтушунид кард.
Тавре аз сафорати Тоҷикистон дар Миср хабар доданд, Хусрав Нозирӣ ба Умния Тоҳо даъватномаи расмии Ҳукумати Ҷумҳурии Тоҷикистонро ба унвони Дабири кулли Ҷомеаи давлатҳои арабӣ Набил ал-Арабӣ ҷиҳати иштирок дар Конфронси байналмилалии сатҳи баланд роҷеъ ба татбиқи Даҳсолаи байналмилалии амал “Об барои ҳаёт”, солҳои 2005-2015-ро супурд.
Қобили зикр аст, ки конфронси байнулмилалии мазкур дар Душанбе 9-11 июни 2015 мувофиқи қатъномаи Маҷмаи Умумии СММ 69/215 баргузор хоҳад гардид.
