Рӯзи 30 марти соли 2015 дар иқоматгоҳи ассотсиатсияи соҳибкорони Франсия (МЕДЕФ) дар Париж рӯнамои (презентатсия)-и имкониятҳои иқтисодиву тиҷоратӣ ва сармоягузории Тоҷикистон барпо гардид.
Чорабинии мазкур бо ибтикори сафорати Тоҷикистон дар Фаронса дар ҳамдастӣ бо ассотсиатсияи соҳибкорони Франсия (МЕДЕФ) созмон дода шуд.
Бино ба иттилои Вазорати корҳои хориҷии ҶТ, дар маросими мазкур намояндагони доираҳои соҳибкории фарансавӣ ширкат варзиданд.
Гуфта мешавад дар рафти ин чорабинӣ аввалан муаррифии имкониятҳои ҳамкорӣ бо Тоҷикистон дар самтҳои афзалиятнок, аз ҷумла, энергетика, саноат, кишоварзӣ ва сайёҳӣ сурат гирифта, сипас намояндагони ширкатҳои франсавӣ дар шакли интерактив ба саволҳои худ ҷавобҳои қонеъкунанда пайдо карданд.
