Мақомоти гумруки Тоҷикистон Афғонистон оид ба таҳкими ҳамкориҳои минбаъда ба мувофиқа расиданд.
Бино ба иттилои дафтари матбуоти Хадамоти гумруки Тоҷикистон, ахири ҳафтаи сипаришуда дар Душанбе вохӯрии сардори Хадамоти гумруки Тоҷикистон Абдуфаттоҳ Ғоиб бо сардори департаменти гумруки Вазорати молияи Афғонистон Наҷибулло Вардак баргузор шудааст.
Гуфта мешавад, зимни мулоқоти судманд ҷонибҳо вазъи кунунӣ ва дурнамои ҳамкориҳо дар бахши гумрук ва масоили табодули маълумот миёни мақомоти ҳарду кишварро баррасӣ намуда, аз рӯи натиҷаҳои вохӯрӣ миёни ҷонибҳо дар бораи табодули электронии маълумоти гумрукӣ санади дахлдор ба имзо расидааст.
Тибқи маълумоти Агентии омори назди президенти ҶТ, ҳаҷми муомилоти молӣ миёни Тоҷикистону Афғонистон дар семоҳаи аввали соли равон беш аз 26 млн. доллари ИМА-ро ташкил додааст, ки дар муқоиса бо ҳамин давраи соли гузашта 23% зиёдтар аст ва ҳудуди 20 млн. доллари ИМА аз ин маблағ ба воридоти маҳсулот аз Афғонистон ба Тоҷикистон рост меояд.
