Дар робита ба муташанниҷ шудани вазъ дар музофоти Қундузи Афғонистон, ки бо Тоҷикистон ҳаммарз аст, Вазорати мудофиаи ҷумҳурӣ дар ҳамдастӣ бо дигар сохторҳои қудратии кишвар дар марз бо Афғонистон хатти дуюми мудофиаро ташкил намуданд.
Тавре ба «Азия-Плюс» як тан аз намояндагони воломақоми Вазорати мудлфиаи ҶТ дар ин робита хабар дод, ба марз дар самти Хатлон нерӯ ва воситаҳои иловагӣ, воҳиду қисмҳои низомии ҷудогона ва техникаи ҳарбӣ сафарбар шудаанд.
«Мо бо сохторҳои қудратии Афғонистон ва иттифоқчиёнамон дар СААД мудом дар тамос буда, имрӯз Тоҷикистон ба роҳ надодани ноамн шудани вазъ дар қаламрави ҳаммарзаш бо кишвари ҳамсоя қодир аст»,- афзуд манбаъ.
